Enn tapar Sunderland

Sunderland er á hraðri niðurleið úr ensku úrvalsdeildinni í fótbolta en liðið var rétt í þessu að tapa fyrir Man City, 2-1. Georgios Samaras skoraði tvö mörk á 86 sekúndum snemma leiks fyrir heimamenn í Man City áður en Kevin Kyle minnkaði muninn fyrir Sunderland skömmu síðar. Sunderland lék manni færri síðustu mínúturnar þegar Gary Breen fékk að líta sitt annað gula spjald.

Sunderland er langneðst í deildinni með 10 stig eftir 28 leiki og er 16 stigum frá 17. sæti sem veitir tilverurétt í deildinni á næsta tímabili. Man City er hins vegar í 9. sæti með 40 stig eftir sigurinn í dag.