Fulham steinlá fyrir Arsenal

Arsenal beit heldur betur frá sér gegn útivallargrýlunni í dag þegar liðið gjörsamlega valtaði yfir Fulham 0-4 í ensku úrvalsdeildinni í fótbolta. Heiðar Helguson var í byrjunarliði Fulham en var skipt út af á 61. mínútu fyrir Collins John. Thierry Henry skoraði tvö mörk fyrir Arsenal og þeir Emmanuel Adebayor og Francesc Fabregas eitt mark hvor.

Með sigrinum komst Arsenal upp í 5. sæti deildarinnar með 44 stig og eru nú 2 stigum á eftir Tottenham sem á leik til góða.

7 leikir eru á dagskrá deildarinnar í dag og eru úrslit þeirra sem hér segir en Liverpool mætir Charlton kl. 17:15;

W.B.A. 1 - 2 Chelsea

Aston Villa 1 - 0 Portsmouth

Fulham 0 - 4 Arsenal

Middlesbrough 1 - 0 Birmingham

Newcastle 3 - 1 Bolton

West Ham 2 - 2 Everton

Liverpool mætir Charlton kl. 17:15.