Vonast eftir HM sæti

Miðjumaðurinn Michael Carrick hjá Tottenham segir að galdurinn við frammistöðu sína með enska landsliðinu í gær, þegar hann fékk að spreyta sig í byrjunarliðinu gegn Úrúgvæ, hafi verið að vera eins afslappaður og mögulegt væri. Carrick var nokkuð sáttur við sitt í leiknum og segist vonast til að vinna sér sæti í liði Englendinga á HM.

"Ég reyndi bara að vera eins afslappaður og það var ekki amalegt að fá þetta tækifæri fyrir framan þessa áhorfendur. Ég fékk dálítið mikið að vera með boltann í löppunum og það hentaði mér vel. Ég var nokkuð sáttur með minn leik og vona að ég fái áframhaldandi sæti í liðinu," sagði Carrick um frammistöðu sína, en hann er einnig í harðri baráttu um fjórða sætið með liði sínu Tottenham í ensku úrvalsdeildinni, svo hann hefur nóg á sinni könnu þessa dagana.