Bannar knæpuferðir

Neil Warnock, stjóri 1. deildarliðs Sheffield United hefur brugðið á það ráð að banna leikmönnum liðsins að drekka á börum eftir að miðjumaðurinn Alan Quinn lenti í uppákomu á krá á dögunum. Bannið gengur þó ekki yfir alla áfengisdrykkju.

"Ég ætla ekki að sekta Alan, en ég hef ákveðið að banna leikmönnum að drekka á börum, því það brýtur í bága við það sem við erum að reyna að gera hérna hjá félaginu. Ég er hinsvegar ekki að setja á áfengisbann - þeir mega drekka sig fulla heima hjá sér ef þeir vilja," sagði Warnock.