Úrslitaleikurinn færður til Cardiff

Nú er ljóst að úrslitaleikurinn í enska bikarnum mun fara fram á Þúsaldarvellinum í Cardiff eftir að áströlsku verktakarnir sem bera ábyrgð á uppbyggingu nýja Wembley- leikvangsins gátu ekki lofað því 100% að hann yrði klár fyrir úrslitaleikinn í bikarnum sem verður þann 13. maí.

Þá er ljóst að vináttuleikirnir sem Englendingar áttu að spila á vellinum við Ungverja og Jamaika stuttu eftir bikarúrslitaleikinn verða einnig færðir og fara þeir fram á Old Trafford, heimavelli Manchester United.