Leicester og Leeds skildu jöfn

Leceister og Leeds gerðu 1-1 jafntefli í ensku 1. deildinni í dag. Jóhannes Karl Guðjónsson spilaði allan leikinn með Leceister en Gylfi Einarsson var ónotaður varamaður hjá Leeds.

Ian Hume kom Leicester yfir en Robbie Blake jafnaði metin úr vítaspyrnu og þar við sat. Leeds er í fjórða sæti deildarinnar en Leicester í því nítjánda og er ekki langt frá fallsæti.

Af öðrum leikjum var það helst til tíðinda að Vinston Pericard skoraði þrennu fyrir Plymouth sem lagði Coventry að velli og þá vann Wolves góðan sigur á Ipswich með marki frá Kenny Miller.

Reading er lang efst í deildinni þrátt fyrir tapið gegn Luton í gær og er svo gott sem komið upp í úrvalsdeildina.