Butt biðst afsökunar

Miðjumaðurinn Nicky Butt hjá Birmingham hefur beðið stjóra sinn og félaga sína í liðinu afsökunar eftir að hann rauk heim til sín í fýlu í gærkvöldi eftir að í ljós kom að hann yrði ekki í leikmannahópi liðsins gegn West Ham. Birmingham tapaði leiknum 3-0 og segir Steve Bruce knattspyrnustjóri liðsins að hann ætli sér að tala við Butt og leysa málið innanhúss.

"Nicky var auðvitað ósáttur við að vera ekki valinn í hópinn, en hann var að koma upp úr meiðslum og því var ég ekki með hann í hópnum í þetta sinn. Ég get skilið að hann hafi reiðst í gær, en það breytir því ekki að svona hegðun kemur niður á liðinu og því þarf ég að eiga við hann orð," sagði Bruce.