Auðvelt hjá United

Manchester United vann auðveldan sigur á Portsmouth á útivelli í lokaleiknum í ensku úrvalsdeildinni í dag 3-1, eftir að hafa nánast gert út um leikinn í fyrri hálfleik þegar liðið náði 3-0 forystu. Cristiano Ronaldo skoraði tvö mörk fyrir United og Ruud Van Nistelrooy skoraði eitt, en Matthew Taylor minnkaði muninn fyrir heimamenn í síðari hálfleik.

Forskot Chelsea á toppi deildarinnar er því komið niður í tólf stig, en Chelsea er með 66 stig í efsta sætinu, Manchester United í öðru með 54, Liverpool í þriðja með 48 stig og Tottenham hefur 44 stig í fjórða sætinu.