Chelsea lagði Liverpool

Chelsea hefur nú gjörsamlega stungið af í ensku úrvalsdeildinni í knattspyrnu en Englandsmeistararnir unnu Liverpool, 2-0 á Stamford Bridge nú síðdegis. William Gallas (35. mín) og Hernan Crespo (68. mín) skoruðu mörk Chelsea sem er nú með 15 stiga forystu á toppi deildarinnar.

Jose Reina markverði Liverpool var vikið af velli með rauða spjaldið á 81. mínútu eftir að hann hafði brotið á Eiði Smára Guðjohnsen sem hafði komið inn á sem varamaður fyrir Damien Duff tveimur mínútum áður. Rauða spjaldið fékk hann hins vegar fyrir að leggja hendur á Arjen Robben í kjölfarið.