Úrslit dagsins

Nokkrum leikjum er þegar lokið á EM í handbolta í dag. Þjóðverjar og Spánverjar gerðu jafntefli 31-31 í opnunarleik mótsins, en liðin keppa í B-riðli. Í öðrum leik riðilsins burstuðu Frakkar Slóvaka 35-21.

Í A-riðli unnu Pólverjar sigur á Úkraínu 33-24, en Slóvenía og Sviss mætast í kvöld. Íslendingar lögðu Serba 36-31 í C-riðli, en þar eigast við Danir og Ungverjar síðar í kvöld. Í D-riðlinum unnu Króatar sigur á Portúgal 24-21, en leik Rússa og Norðmanna er ólokið og þar höfðu Rússar yfirhöndina framan af.