Frambjóðendur njóta góðs af valdamiklum stuðningsmönnum

Kristinn H. Gunnarsson, þingmaður Framsóknarflokksins, segir að valdahópur á landsvísu í flokknum, hafi óeðlileg áhrif á afstöðu framsóknarmanna til prófkjörs flokksins í Reykjavík.

Hann segir á heimasíðu sinni að hópurinn sé búinn að setja stuðningsmenn Önnu Kristinsdóttur í prófkjöri flokksins í Reykjavík í þá aðstöðu, að ganga gegn vilja valdamikilla manna í flokknum á lands vísu. Hann rökstyður þetta þannig að Björn Ingi Hrafnsson, sem sækist ásamt Önnu eftir fyrsta sætinu á lista flokksins fyrir borgarstjórnarkosningarnar í Reykjavík, sé nánasti samstarfsmaður Halldórs Ásgrímssonar formanns flokksins, og sæki til hans pólitískan styrk. Félagsmálaráðherra og allir aðstoðarmenn framsóknarráðherranna, styðji hann opinberlega, og formaður fjáröflunarnefndar flokksins, svo dæmi séu tekin. Og Kristinn H. Gunnarsson spyr: Hvað næst, munu aðsotðarmenn ráðherra gefa út yfilýsingu um það, hver eigi að leiða flokkinn í örðum sveitarfélögum.