Sandra Bullock vinsælust og Angelina Jolie ólétt

Það er alltaf eitthvað um að vera í heimi ríka og fræga fólksins. Í dag voru verðlaun englafólksins eða Los Angeles People's Choise award voru afhent og gleðifréttir af ofurparinu Angelinu Jolie og Brad Pit voru ofarlega á baugi.

Það var að sjálfsögðu margt um fræga manninn þegar verðlaun fólksins voru afhent. Star Wars Episode lll - Revenge of the sith var valin uppáhaldskvikmyndin og var hún einnig í uppáhaldi í hópi dramakvikmynda. Elle Degeners þótti fyndnasta kvensjónavarpsstjarnan og átti besta þáttinn og Aliaz gellan Jennifer Garner þótti besta hasarskutlan og besta kvensjónvarpsstjarnan. Johny Depp fékk verðlauns sem uppáhalds karlstjarnan og Sandra Bullock sem uppáhaldskvenstjarnan og sló þar ekki ómerkilegri konum við en Nicole Kidman og Angelinu Jolie. Og talandi um Jolie, þá bárust þær fréttir eins og eldur um sinu í dag að hún hefur staðfest að bera barn Brad Pitts undir belti. Hjúin eru að vonum mjög ánægð og í fyrsta skipti í langan tíma þá virðist sem Jolie sé komin með mann upp á arminn sem pabba hennar, John Voight, líkar við.