Hundur bjargaði manninum

Sumarbústaður við Kiðjabergsveg í Grímsnesi brann til kaldra kola aðfaranótt miðvikudagsins.

Einn maður á fimmtudagsaldri var í bústaðnum þegar eldurinn kom upp. Hundur mannsins vakti hann og stóð bústaðurinn þá í ljósum logum. Maðurinn náði að komast út af sjálfsdáðum.

Lögreglan á Selfossi fékk tilkynningu um eldsvoðann klukkan rúmlega tvö og hringdi á sjúkrabíl sem flutti manninn á slysadeild Landspítala – háskólasjúkrahúss. Hann var útskrifaður í gær.

Eldsupptök eru ókunn en lögreglan vinnur að rannsókn málsins.