Var sýknaður af nauðgun

Héraðsdómur Reykjavíkur hefur sýknað karlmann af ákæru um nauðgun. Hann var ákærður fyrir að hafa þvingað unglingsstúlku með ofbeldi til samræðis í bifreið í byrjun sumars. Dómurinn taldi ekki sannað, að kynmökin hefðu verið gegn vilja stúlkunnar.

Maðurinn neitaði fyrir dómi, að hafa átt kynmök við stúlkuna en dómurinn taldi sannað, að þau hefðu haft mök. Framburð hennar um hvort mökin hefðu verið gegn hennar vilja taldi dómurinn hins vegar óljósan. Væri svo mikill vafi á sektinni að hann bæri að sýkna.