Nýir fulltrúar í meirihluta

Tuttugu og tvö mál liggja fyrir kirkjuþingi sem hófst í Grensáskirkju í morgun. Á meðal mála má nefna tillögu um stefnumótun fyrir kærleiksþjónustu og hjálparstarf sem er liður í heildarstefnumótun kirkjunnar. Einnig verður lögð fram tillaga um fjölskyldustefnu og um stofnun málefna- og siðferðisráðs.

Um sextíu prósent kirkjuþingsfulltrúa hafa ekki setið kirkjuþing áður. Um helmingur fulltrúa á síðasta þingi hefur horfið frá þingmennsku en fulltrúum á þinginu hefur verið fjölgað úr 21 í 29.