Umferðafundir skila árangri

Alls hafa 45 þúsund ungmenni sótt umferðarfundi á vegum VÍS í framhaldsskólum landsins á síðustu 12 árum.

Ragnheiður Davíðsdóttir, forvarnarfulltrúi VÍS, segir að árangur fundanna sé ótvíræður og að kannanir sýni að þeir sem mætt hafi á fundina lendi síður í alvarlegum umferðarslysum. Alls hafa á sjöunda tug funda verið ákveðnir á þessari önn.

Meðal kennsluefnis á fundunum er frásögn fjölskyldu í Grindavík, en Sigurður 19 ára sonur hjónanna Bertu og Matthíasar lenti í alvarlegu umferðarslysi fyrir rúmu ári.