Goodman í Hafnarfirði

Í kvöld verður bandarísk kvikmyndin The Benny Goodman Story (1955) í leikstjórn Valentine Davies sýnd í Bæjarbíó á vegum Kvikmyndasafnsins. Hefst sýningin kl. 20.

Myndin fylgir æfi jazzklarinettuleikarans góðkunna Benny Goodman frá 10 ára aldri (1919) til tímamótatónleika hans í Carnegie Hall árið 1938. Tónlistin í myndinni er stórkostleg og fram koma ýmsir þekktir tónlistarmenn í gestahlutverkum.

Á þessum tíma voru ekki margar hljómsveitir í Bandaríkjunum skipaðar bæði þeldökkum og hvítum tónlistarmönnum en þarna varð til ein slík sem samanstóð af sérlega hæfum tónlistarmönnum eins og t.d. Gene Krupa, Edward ,,Kid Ory og Lionel Hampton. Goodman lék sjálfur á klarinettið á tónrás myndarinnar. Sýningin er endurtekin á laugardag kl. 16.