Ríkisstjórnarflokkarnir í Belgíu biðu ósigur í sveitarstjórnarkosningum í gær. Sigurvegarar kosninganna voru hægri flokkar, ekki síst Flæmski hagsmunaflokkurinn sem berst hatrammlega gegn innflytjendum.
Í eðlilegu lýðræðisríki ætti flokkur sem eykur fylgi sitt úr engu í 33 prósent á 24 árum að vera þátttakandi í meirihlutastjórn, segir Filip Dewinter, leiðtogi Flæmska hagsmunaflokksins, sem jók verulega við fylgi sitt í flestum kjördæmum landsins.
