Lögreglumenn fundu sprengju í gær við fjölfarna götu í verslunarhverfi í Kólombó, höfuðborg Srí Lanka. Sprengjan vó nærri átta kíló og hefði getað valdið töluverðum mannskaða.
Verslanir, heimili og skrifstofuhúsnæði í nágrenninu var rýmt meðan sprengjusérfræðingar aftengdu sprengjuna, sem hafði verið komið fyrir í ávaxtakörfu aftan á reiðhjóli og falin innan um kálhausa. Fjarstýring fannst hinumegin við götuna.
Lögregluna grunar Tamílatígra um að hafa komið sprengjunni fyrir.
