745 öryrkjar fá engan lífeyri

Öryrkjabandalag Íslands fer fram á að fallið verði frá þeirri ákvörðun lífeyrissjóða að skerða eða fella niður lífeyrisgreiðslur til öryrkja 1. nóvember.

Þetta kemur fram í erindi sem ÖBÍ sendi stjórnum þeirra fjórtán lífeyrissjóða sem hlut eiga að máli. Að öðrum kosti fer ÖBÍ fram á að framkæmdinni verði frestað á meðan eðlilegur tími gefst til að skoða þau álitamál sem uppi eru.

Í bréfi sem ÖBÍ hefur borist frá Greiðslustofu lífeyrissjóðanna kemur fram að lífeyrissjóðstekjur 745 öryrkja, sem höfðu heildartekjur undir einni milljón króna árið 2005, falli niður að fullu.