Gengi krónunnar styrkist

Sérfræðingar telja að markaðurinn hafi brugðist óþægilega hart við skýrslu Fitch í byrjun síðustu viku þar sem breytt var horfum á lánshæfismati ríkisins. Í gærmorgun styrktist gengi krónunnar í kjölfar útgáfu Rabobank á svokölluðum krónubréfum að andvirði nær fimm milljarða króna. Útgáfan er til eins árs og virðist Rabobank því lítið gefa fyrir spár um veikingu krónunnar.

Í síðustu viku veiktist krónan hratt eftir útgáfu skýrslu Fitch og fjárfestar innleystu hagnað til að bregðast við gengistapi. Óróaskotið sem varð í byrjun síðustu viku er gengið til baka að mestu.