Fólk er á móti Everton

David Moyes, knattspyrnustjóri Everton, segir ekkert að marka þá hörðu gagnrýni sem lið hans hefur fengið á sig á leiktíðinni, því svo virðist sem fólk sé einfaldlega á móti liðinu. "Við höfum verið gagnrýndir nokkuð á tímabhilinu, en ég tek því ekki persónulega. Ég held bara að fólk sé yfir höfuð á móti Everton. Mér finnst við ekki þurfa að sanna okkur fyrir neinum, við gerðum það í fyrra. Þá sönnuðum við að við erum gott lið og frábært félag," sagði Moyes, en lið hans vermir botnsætið í ensku úrvalsdeildinni. >