Jafnt hjá Birmingham og United

Manchester United mistókst að saxa á forskot Chelsea á toppi ensku úrvalsdeildarinnar í kvöld þegar liðið þurfti að sætta sig við jafntefli gegn frísku liði Birmingham 2-2. Van Nistelrooy og Rooney skoruðu fyrir United, en þeir Clapham og Pandiani skoruðu mörk heimamanna.

Arsenal burstaði Portsmouth 4-0 með tveimur mörkum frá Henry, og einu frá Bergkamp og Calderon. Chelsea marði sigur á Manchester City 1-0 með marki frá Joe Cole skömmu fyrir leikslok. West Brom lagði Tottenham 2-0 með tveimur mörkum frá Kanu.

Wigan vann góðan 2-0 útisigur á West Ham með mörkum frá Roberts og Camara. Fulham og Aston Villa gerðu 3-3 jafntefli í æsilegum leik, þar sem Heiðar Helguson skoraði eitt marka Fulham og loks hafði Liverpool betur í grannaslag sínum við Everton 3-1. Crouch, Gerrard og Cisse gerðu mörk Liverpool en James Beattie skoraði fyrir lánlaust lið heimamanna sem hefur fengið á sig ellefu mörk í tveimur síðustu leikjum.