Tottenham heldur Mido lengur en áætlað var

Enska úrvalsdeildarliðið Tottenahm er við það að ná samningum við egypska knattspyrnusambandið um að fá að halda sóknarmanninum Mido eins lengi og hægt er áður en hann fer í Afríkukeppnina með landsliði sínu. Hann fer væntanlega ekki í keppnina fyrr en fjórum til fimm dögum áður en hún hefst og er það forráðamönnum enska liðsins mikill léttir.

Mido hefur verið besti framherji Tottenham í vetur og liðinu hefur gengið illa í þeim leikjum sem hann hefur ekki geta spilað. Hann er eini stóri framherjinn sem kemur til greina í byrjunarliðið, en pólski framherjinn Rasiak sem keyptur var frá Derby í haust hefur alls ekki staðið undir væntingum. Einmitt þess vegna hefur Tottenham verið mikið nefnt til sögunnar þegar nafn hins eftirsótta Dirk Kuyt hjá Feyenoord ber á góma.