Arsene Wenger hrósaði Robin van Persie

Arsene Wenger, stjóri Arsenal, var ánægður með sigurinn á Sparta Prag í Meistaradeildinni í gær og hrósaði framherja sínum Robin van Persie sérstaklega fyrir frammistöðu sína, eftir að hann kom inná sem varamaður og skoraði tvö mörk.

"Robin er allur að finna sig og mörkin hans í kvöld gáfu honum mikið sjálfstraust," sagði Wenger og var ekki síður ánægður með Thierry Henry, sem skoraði fyrsta mark Arsenal og kom ómeiddur frá leiknum.

"Það var afar mikilvægt að tryggja sætið í 16-liða úrslitunum í kvöld. Nú geta menn farið að einbeita sér að því að ná góðum árangri í úrvalsdeildinni," sagði Wenger.