Gilberto samdi við Arsenal
Brasilíski miðjumaðurinn Gilberto hjá Arsenal, hefur skrifað undir framlengingu á samningi sínum við félagið til ársins 2009. Gilberto gekk til liðs við Arsenal árið 2002, eftir að hafa verið lykilmaður í liði Brasilíumanna á HM þá um sumarið, en vægi hans í hóp Arsenal hefur aukist nokkuð eftir að Patrick Vieira fór frá félaginu. Gilberto er 28 ára gamall.
