PGA: Nýliðinn Gore vann

Jason Gore sigraði á Lumber Classic golfmótinu sem lauk í Framington í Pennsylvaníu í gær. Gore, sem er nýliði í PGA-mótaröðinni, lék á 14 höggum undir pari. Annar, höggi á eftir, varð Paragvæinn Carlos Franco. Jason Gore er 31 árs og vann sér keppnisrétt í PGA-mótaröðinni í síðasta mánuði. Sænski kylfingurinn Annika Sörenstam vann í gærkvöldi 63. titil sinn í golfi þegar hún sigraði á móti í Oklahoma. Þetta var jafnframt sjöundi sigur hennar á þessu ári. Sörenstam vantar 25 sigra til þess að jafna árangur Katy Withworth en hún sigraði á 88 mótum á sínum ferli.