Hálfleikur í Meistaradeildinni

Nú er hálfleikur í leikjunum átta sem eru á dagskrá í Meistaradeildinni í kvöld. Þar ber hæst að Liverpool er í góðri stöðu gegn Real Betis á Spáni og frönsku meistararnir Lyon eru að kjöldraga Real Madrid í Frakklandi. Liverpool hefur þægilega 2-0 forystu gegn Betis, en það voru Pongolle og García sem skorðu mörk enska liðsins. Lyon hefur ótrúlega 3-0 forystu gegn Real Madrid, þar sem þeir John Carew, Juninho og Sylvain Wiltord skoruðu mörk heimamanna. AC Milan hefur eins marks forystu gegn tyrkneska liðinu Fenerbahce þar sem Kaká skoraði, PSV er yfir 1-0 gegn Schalke frá Þýskalandi og staðan í leik Olympiakos og Rosenborg er jöfn 1-1. Chelsea er enn yfir 1-0 gegn Anderlecht frá Belgíu. Inter hefur yfir 1-0 gegn Artmedia og Rangers eru yfir 1-0 gegn FC Porto í Glasgow.