16 ára í haldi fram í október

Héraðsdómur Reykjavíkur úrskurðaði í gær sextán ára pilt í gæsluvarðhald til 21. október eða þar til dómur fellur í máli hans. Pilturinn rændi ásamt fjórum öðrum tæplega tvítugum starfsmanni Bónuss á föstudaginn fyrir viku og daginn eftir voru þeir úrskurðaðir í sex daga gæsluvarðhald. Hinum fjórum hefur verið sleppt. Árásarmennirnir hafa borið því við að þeir hafi verið að innheimta skuld hjá þeim sem þeir rændu, en honum ógnuðu þeir með skotvopni og neyddu til að taka út peninga í hraðbanka. Pilturinn sem er í haldi var nýsloppinn úr gæsluvarðhaldi þegar brotið var framið. .