Tap gegn Króötum 3. september 2005 00:01 Íslendingar töpuðu fyrir Krótötum, 1-3, á Laugardalsvellinum í leik liðanna í undankeppni HM í kvöld. Íslendingar höfðu verðskuldaða 1-0 forystu í hálfleik en í þeim síðari tóku gestirnir öll völd á vellinum og skoruðu þrjú mörk. Íslendingar spiluðu frábærlega í fyrri hálfleik og spiluðu sinn besta leik í langan tíma. Að sama skapi voru Króatar afskaplega daprir og var í raun með ólíkindum að hugsa til þess að þeir sætu á toppi undanriðilsins. Leikaðferð þeirra Loga og Ásgeirs gekk fullkomnlega upp í fyrri hálfleik – íslenska liðið beið þar til Króatar komust í nánd við miðlínu og þá var látið til skarar skríða með mikill pressu. Íslenska liðið fékk mörg ágætis færi með því að vinna boltann með harðfylgi á miðjunni og sækja síðan hratt, þar sem einkum Brynjar Björn Gunnarsson var fremstur meðal jafningja. Það kom því ekki á óvart þegar Eiður Smári Guðjohnsen kom íslenska liðinu yfir með fallegu marki um miðjan hálfleikinn. Ekki löngu síðar átti Stefán Gíslason skot í stöng af löngu færi og greinilegt að íslensku leikmennirnir voru ekkert á því að leggjast í skotgrafirnar og verja þetta eina mark. Króatar gáfu reyndar aðeins í rétt í lok hálfleiksins og fengu þá tvö fín færi, en í heildina var leikur Íslands nánast gallalaus í fyrri hálfleik. Vörnin var nokkuð óörugg á köflum, en Hermann Hreiðarsson náði iðulega að bjarga því sem bjarga þurfti. Á miðjunni höfðu Stefán Gíslason og Brynjar Björn betur gegn ekki ómerkari mönnum en Igor Tudor og Niko Kovac og var sá síðarnefndi, sem fór sérlega illa með leikmenn Íslands í fyrri leik liðanna í fyrra, nánast klipptur út úr leiknum. En þetta átti eftir að breytast í síðari hálfleik. Greinilegt var að vel hafði verið lesið yfir hausamottunum á leikmönnum króatíska liðsins í hálfleik og þeir sóttu af krafti frá fyrstu mínútu síðari hálfleiks. Þeir uppskáru árangur erfiðisins strax á 56. mínútu þegar Bosko Balakan, leikmaður Club Brugge í Belgíu, skoraði með skalla af stuttu færri eftir fyrirgjöf. Hann var síðan aftur á ferðinni aðeins fimm mínútum síðar og var markið keimlíkt því fyrra – sending frá hægri þar sem Balaban var réttur maður á réttum stað. Yfirburðirnir héldu áfram allan síðari hálfleikinn og til marks um þá má nefna að íslenska liðið átti ekki skot á mark allan hálfleikinn. Það var síðan Darijo Srna sem kórónaði stórleik sinn í síðari hálfleik með marki úr vítaspyrnu, en Stefán Gíslason hafði þá brotið á Dado Prso innan teigs. Srna, vinstri vængmaður Króata, hreinlega lék sér að Arnari Þóri Viðarssyni sem hafði komið inn á sem varamaður í lok fyrri hálfleiks fyrir Indriða Sigurðsson, sen hann varð fyrir meiðslum. Ekki er annað hægt að hrósa gestunum fyrir karakterinn sem þeir sýndu með því að koma til baka eftir hörmulegan fyrri hálfleik en að sama skapi olli íslenska liðið miklum vonbrigðum. Það var nánast eins og nýtt lið hefði mætt á völlinn í síðari hálfleikinn – lið sem skorti alla baráttu og leikgleði. Leikmenn urðu pirraðir og létu mótlætið fara í taugarnar á sér. Að sama skapi hafði greinilega hugarfarsbreyting átt sér stað hjá gestunum og þeir byrjuðu að spila eins og þeir eiga að sér. Það sem vekur upp stærstu spurningarnar er hins vegar sú staðreynd að króatíska liðið breytti ekki um leikaðferð eða neinar áherslur að einhverju viti í sínum leik. Það var ekki eins og Eiður Smári hafi verið settur í aukna gæslu eða einhverjar stöðubreytingar hafi átt sér stað. Rennur það stoðum undir það að ástæðan fyrir stórlega hrakandi leik íslenska liðsins hafi einfaldlega verið sú að leikmennirnir sprengdu sig hreinlega í fyrri hálfleik. Arnar Þór Viðarsson átti skelfilega innkomu og komu fyrstu tvö mörk Króata eftir sóknir upp hægri vænginn þar sem hann hefði átt að gera betur í varnarleiknum. Eftir því sem á leið dró af Hermanni og Brynjar Birni, og kannski að ástæðan sé sú að þeir eru tiltölulega nýkomnir úr meiðslum og ekki komnir í almennilegt leikform. Gunnar Heiðar komst að því að það er ekki það sama að spila í sænsku úrvalsdeildini og að spila gegn króatískum varnarmönnum í hæsta gæðaflokki og mátti hans sín lítils í síðari hálfleik, rétt eins og allir aðrir leikmenn Íslands. Í heildina var um tvo ólíka hálfleiki að ræða sem voru í raun andstæður hvors annars. Í þeim fyrri var íslenska liðið mun betra og spilaði frábærlega – í þeim síðari var Króatía sem réð lögum og lofum. Þar sem skilur á milli er að Íslendingar skoruðu bara eitt mark á meðan þeirra yfirburðir stóðu yfir - en Króatar þrjú. Staða Íslands er sem fyrr mjög slæm í riðlinum, í næst neðsta sæti með aðeins 4 stig en þessi fjögur stig hafa öll komið gegn slöku liði Möltu. Króatar tróna á toppi riðilsins, stigi á undan Svíum. Ísland – Króatía 1-3 Eiður Smári 24., - Bosko Balaban 56., Árni Gautur (sjálfsmark) 61. Dario Srna (víti) 82. Íslenski boltinn Fréttir Mest lesið „Andlitið á mér var afmyndað“ Fótbolti Stálheppinn að vera á lífi og gæti snúið aftur með Aroni Fótbolti Jake Paul keppir í 135 milljóna króna stuttbuxum gegn Tyson Sport Býðst til þess að gefa þjófnum gullið í arf Sport „Pep Guardiola eyðilagði fótboltann“ Enski boltinn Óvænt alveg hættur Fótbolti Favre opinberar baráttu við Parkinsons: „Fékk þúsundir heilahristinga“ Sport Drukkinn undir stýri og enn í „lederhosen“ Fótbolti Krefjast aðgerða vegna verðlaunahafa Hvít-Rússa Sport Í beinni: KA - HK | Hve kröftug er bikarþynnkan? Íslenski boltinn Fleiri fréttir Óvíst hvort Tryggvi Hrafn verði meira með Val á leiktíðinni Tekur hanskana af hillunni og hjálpar Börsungum í neyð Í beinni: KA - HK | Hve kröftug er bikarþynnkan? Þrír ákærðir fyrir að reyna að fjárkúga fjölskyldu Schumacher Býðst til þess að gefa þjófnum gullið í arf McTominay sagt að passa sig á ítalska matarræðinu Jake Paul keppir í 135 milljóna króna stuttbuxum gegn Tyson „Ég er í sjokki eftir þennan leik“ Óttast ekki bikarþynnku: „Alvöru sigurvegarar finna sér hvatningu“ Mbappé úr leik næstu vikurnar Nablinn skellti sér á Kópavogsslaginn: „Leikurinn endar milljón tvö“ Krefjast aðgerða vegna verðlaunahafa Hvít-Rússa Stálheppinn að vera á lífi og gæti snúið aftur með Aroni Ármenningar taplausir á toppnum Harðneitar því að hafa rekið við í leik Drukkinn undir stýri og enn í „lederhosen“ Mikið fjör og leikgleði á fjölmennu ungmennamóti Óvænt alveg hættur „Ótrúlega heilbrigður og flottur hópur“ „Andlitið á mér var afmyndað“ Arteta varðist ásökunum: „Þá væri ég mjög tregur“ Favre opinberar baráttu við Parkinsons: „Fékk þúsundir heilahristinga“ Dagskráin í dag: Bikarliðin í Bestu og United í Evrópudeildinni „Pep Guardiola eyðilagði fótboltann“ Til í að taka skóna af hillunni fyrir Barcelona Dagfarsprúði maðurinn aldrei verið eins reiður Varalið Villa kreisti út sigur á C-deildarliðinu Madrídingar á tæpasta vaði Naumur sigur dugði City Nkunku með þrennu gegn D-deildarliðinu Sjá meira
Íslendingar töpuðu fyrir Krótötum, 1-3, á Laugardalsvellinum í leik liðanna í undankeppni HM í kvöld. Íslendingar höfðu verðskuldaða 1-0 forystu í hálfleik en í þeim síðari tóku gestirnir öll völd á vellinum og skoruðu þrjú mörk. Íslendingar spiluðu frábærlega í fyrri hálfleik og spiluðu sinn besta leik í langan tíma. Að sama skapi voru Króatar afskaplega daprir og var í raun með ólíkindum að hugsa til þess að þeir sætu á toppi undanriðilsins. Leikaðferð þeirra Loga og Ásgeirs gekk fullkomnlega upp í fyrri hálfleik – íslenska liðið beið þar til Króatar komust í nánd við miðlínu og þá var látið til skarar skríða með mikill pressu. Íslenska liðið fékk mörg ágætis færi með því að vinna boltann með harðfylgi á miðjunni og sækja síðan hratt, þar sem einkum Brynjar Björn Gunnarsson var fremstur meðal jafningja. Það kom því ekki á óvart þegar Eiður Smári Guðjohnsen kom íslenska liðinu yfir með fallegu marki um miðjan hálfleikinn. Ekki löngu síðar átti Stefán Gíslason skot í stöng af löngu færi og greinilegt að íslensku leikmennirnir voru ekkert á því að leggjast í skotgrafirnar og verja þetta eina mark. Króatar gáfu reyndar aðeins í rétt í lok hálfleiksins og fengu þá tvö fín færi, en í heildina var leikur Íslands nánast gallalaus í fyrri hálfleik. Vörnin var nokkuð óörugg á köflum, en Hermann Hreiðarsson náði iðulega að bjarga því sem bjarga þurfti. Á miðjunni höfðu Stefán Gíslason og Brynjar Björn betur gegn ekki ómerkari mönnum en Igor Tudor og Niko Kovac og var sá síðarnefndi, sem fór sérlega illa með leikmenn Íslands í fyrri leik liðanna í fyrra, nánast klipptur út úr leiknum. En þetta átti eftir að breytast í síðari hálfleik. Greinilegt var að vel hafði verið lesið yfir hausamottunum á leikmönnum króatíska liðsins í hálfleik og þeir sóttu af krafti frá fyrstu mínútu síðari hálfleiks. Þeir uppskáru árangur erfiðisins strax á 56. mínútu þegar Bosko Balakan, leikmaður Club Brugge í Belgíu, skoraði með skalla af stuttu færri eftir fyrirgjöf. Hann var síðan aftur á ferðinni aðeins fimm mínútum síðar og var markið keimlíkt því fyrra – sending frá hægri þar sem Balaban var réttur maður á réttum stað. Yfirburðirnir héldu áfram allan síðari hálfleikinn og til marks um þá má nefna að íslenska liðið átti ekki skot á mark allan hálfleikinn. Það var síðan Darijo Srna sem kórónaði stórleik sinn í síðari hálfleik með marki úr vítaspyrnu, en Stefán Gíslason hafði þá brotið á Dado Prso innan teigs. Srna, vinstri vængmaður Króata, hreinlega lék sér að Arnari Þóri Viðarssyni sem hafði komið inn á sem varamaður í lok fyrri hálfleiks fyrir Indriða Sigurðsson, sen hann varð fyrir meiðslum. Ekki er annað hægt að hrósa gestunum fyrir karakterinn sem þeir sýndu með því að koma til baka eftir hörmulegan fyrri hálfleik en að sama skapi olli íslenska liðið miklum vonbrigðum. Það var nánast eins og nýtt lið hefði mætt á völlinn í síðari hálfleikinn – lið sem skorti alla baráttu og leikgleði. Leikmenn urðu pirraðir og létu mótlætið fara í taugarnar á sér. Að sama skapi hafði greinilega hugarfarsbreyting átt sér stað hjá gestunum og þeir byrjuðu að spila eins og þeir eiga að sér. Það sem vekur upp stærstu spurningarnar er hins vegar sú staðreynd að króatíska liðið breytti ekki um leikaðferð eða neinar áherslur að einhverju viti í sínum leik. Það var ekki eins og Eiður Smári hafi verið settur í aukna gæslu eða einhverjar stöðubreytingar hafi átt sér stað. Rennur það stoðum undir það að ástæðan fyrir stórlega hrakandi leik íslenska liðsins hafi einfaldlega verið sú að leikmennirnir sprengdu sig hreinlega í fyrri hálfleik. Arnar Þór Viðarsson átti skelfilega innkomu og komu fyrstu tvö mörk Króata eftir sóknir upp hægri vænginn þar sem hann hefði átt að gera betur í varnarleiknum. Eftir því sem á leið dró af Hermanni og Brynjar Birni, og kannski að ástæðan sé sú að þeir eru tiltölulega nýkomnir úr meiðslum og ekki komnir í almennilegt leikform. Gunnar Heiðar komst að því að það er ekki það sama að spila í sænsku úrvalsdeildini og að spila gegn króatískum varnarmönnum í hæsta gæðaflokki og mátti hans sín lítils í síðari hálfleik, rétt eins og allir aðrir leikmenn Íslands. Í heildina var um tvo ólíka hálfleiki að ræða sem voru í raun andstæður hvors annars. Í þeim fyrri var íslenska liðið mun betra og spilaði frábærlega – í þeim síðari var Króatía sem réð lögum og lofum. Þar sem skilur á milli er að Íslendingar skoruðu bara eitt mark á meðan þeirra yfirburðir stóðu yfir - en Króatar þrjú. Staða Íslands er sem fyrr mjög slæm í riðlinum, í næst neðsta sæti með aðeins 4 stig en þessi fjögur stig hafa öll komið gegn slöku liði Möltu. Króatar tróna á toppi riðilsins, stigi á undan Svíum. Ísland – Króatía 1-3 Eiður Smári 24., - Bosko Balaban 56., Árni Gautur (sjálfsmark) 61. Dario Srna (víti) 82.
Íslenski boltinn Fréttir Mest lesið „Andlitið á mér var afmyndað“ Fótbolti Stálheppinn að vera á lífi og gæti snúið aftur með Aroni Fótbolti Jake Paul keppir í 135 milljóna króna stuttbuxum gegn Tyson Sport Býðst til þess að gefa þjófnum gullið í arf Sport „Pep Guardiola eyðilagði fótboltann“ Enski boltinn Óvænt alveg hættur Fótbolti Favre opinberar baráttu við Parkinsons: „Fékk þúsundir heilahristinga“ Sport Drukkinn undir stýri og enn í „lederhosen“ Fótbolti Krefjast aðgerða vegna verðlaunahafa Hvít-Rússa Sport Í beinni: KA - HK | Hve kröftug er bikarþynnkan? Íslenski boltinn Fleiri fréttir Óvíst hvort Tryggvi Hrafn verði meira með Val á leiktíðinni Tekur hanskana af hillunni og hjálpar Börsungum í neyð Í beinni: KA - HK | Hve kröftug er bikarþynnkan? Þrír ákærðir fyrir að reyna að fjárkúga fjölskyldu Schumacher Býðst til þess að gefa þjófnum gullið í arf McTominay sagt að passa sig á ítalska matarræðinu Jake Paul keppir í 135 milljóna króna stuttbuxum gegn Tyson „Ég er í sjokki eftir þennan leik“ Óttast ekki bikarþynnku: „Alvöru sigurvegarar finna sér hvatningu“ Mbappé úr leik næstu vikurnar Nablinn skellti sér á Kópavogsslaginn: „Leikurinn endar milljón tvö“ Krefjast aðgerða vegna verðlaunahafa Hvít-Rússa Stálheppinn að vera á lífi og gæti snúið aftur með Aroni Ármenningar taplausir á toppnum Harðneitar því að hafa rekið við í leik Drukkinn undir stýri og enn í „lederhosen“ Mikið fjör og leikgleði á fjölmennu ungmennamóti Óvænt alveg hættur „Ótrúlega heilbrigður og flottur hópur“ „Andlitið á mér var afmyndað“ Arteta varðist ásökunum: „Þá væri ég mjög tregur“ Favre opinberar baráttu við Parkinsons: „Fékk þúsundir heilahristinga“ Dagskráin í dag: Bikarliðin í Bestu og United í Evrópudeildinni „Pep Guardiola eyðilagði fótboltann“ Til í að taka skóna af hillunni fyrir Barcelona Dagfarsprúði maðurinn aldrei verið eins reiður Varalið Villa kreisti út sigur á C-deildarliðinu Madrídingar á tæpasta vaði Naumur sigur dugði City Nkunku með þrennu gegn D-deildarliðinu Sjá meira