Lögregla göbbuð að höfn í Gróf

Lögreglan í Keflavík fékk hringingu rétt fyrir hálfþrjú í nótt og kvaðst sá sem hringdi vera við smábátahöfnina í Gróf og ætlaði hann að henda sér í sjóinn. Var lögreglan send á staðinn en þetta reyndist þó vera gabb og var sá sem hringdi staddur á öldurhúsi í Reykjavík að skemmta sér. Ekki er vitað hver hringdi en lögreglan segir málið vera í rannsókn. Annasamt var hjá lögreglunni í Keflavík í nótt en alls bárust henni fjögur ölvunarútköll og var ofurölvi fólki ekið heim úr miðbæ bæjarins. Annars var rólegt hjá lögreglunni um land allt í nótt.