Fréttamenn RÚV ganga á fund forseta Alþingis

Fréttamenn Ríkisútvarpsins ætla að ganga á fund forseta Alþingis nú klukkan 11 og afhenda honum áskorun um að grípa inn í fréttastjóradeiluna á RÚV. Nýráðinn fréttastjóri, Auðun Georg Ólafsson mætti til starfa á fréttastofu Útvarps í morgun. Hann hitti fréttamenn á fundi og sagði þar meðal annars að hann skildi að þeir sem ekki treystu honum vildu hætta störfum en bauðst til að gera vel við þá sem vildu verða áfram. Þá staðfesti Auðun Georg að hann hefði þegar sett sig í samband við fréttamenn úti í bæ í þeim tilgangi að manna vaktir, færi svo að starfsmenn fréttastofu Útvarps gengju út.