Inter og Porto eigast við í kvöld

Í kvöld mætast Inter Milan og Porto í síðari leik liðanna í 16 liða úrslitum Meistaradeildar Evrópu í knattspyrnu. Leikurinn verður sýndur beint á Sýn en hann hefst klukkan 19.45. Liðin gerðu 1-1 jafntefli í fyrri leiknum í Portúgal 23. febrúar. Takist Inter að slá Evrópumeistara Porto út úr keppni verða þrjú ítölsk lið eftir í keppninni. Í síðustu viku tryggðu AC Milan og Juventus sér sæti í átta liða úrslitum með því að leggja að velli Manchester United og Real Madrid.