Afgreiðsla ályktana að hefjast

Almennar umræður standa nú yfir á flokksþingi Framsóknarflokksins en þingfulltrúar komu á ný saman klukkan níu í morgun á Hótel Nordica í Reykjavík. Klukkan ellefu hefjast umræður um afgreiðslu ályktana. Eftir hádegi sitja ráðherrar flokksins fyrir svörum en síðdegis hefjast nefndastörf. Þar er búist við að tekist verði á um nokkrar ályktanir, s.s. um Evrópustefnuna, sölu Símans og framtíð Reykjavíkurflugvallar. Flokksþinginu lýkur á morgun með kosningu forystumanna.