Svekkjandi jafntefli

Snorri Steinn Guðjónsson var ekki sáttur. "Það er engin spurning að við vorum betri aðilinn í þessum leik, við vorum samt sem áður ekki að spila jafn vel og í gær en við vissum að Norðmennirnir kæmu grimmir til leiks og við vorum í stökustu vandræðum með varnarleikinn í fyrri hálfleik.

Vörnin lagaðist aðeins í þeim seinni og þá náðum við nokkrum hraðaupphlaupum sem skiluðu okkur fínu forskoti og eingöngu fyirir okkar eigin klaufaskap þá missum við þetta niður í jafntefli og við getum bara sjálfum okkur um kennt." Snorri Steinn átti frábæran leik en hann lék við hverng sinn fingur og skoraði tíu mörk og var besti maður Íslands í leiknum: "Ég átti ágætis leik en það er alltaf hægt að gera betur. Stigin voru ekki tvö heldur bara eitt og það er nokkuð sem við erum alls ekki sáttir með."