Sameining sveitarfélaga í pípunum

Líklegt er að íbúar 80 sveitarfélaga gangi að kjörborðinu næsta vor til að greiða atkvæði um sameiningu við nágrannasveitarfélög. Það gerist ef tillögur um breytingar á sveitarfélagaskipan ná fram að ganga en þær verða kynntar á blaðamannafundi sem er nýhafinn á Hóteli Nordica. Í þessum sveitarfélögum búa rúmlega 213 þúsund manns eða um 73 prósent þjóðarinnar. Víkurfréttir greina frá því á heimasíðu sinni að á fundinum verði lagt til að Suðurnesin verði sameinuð í eitt sveitarfélag. Myndin er frá Reykjanesbæ.