Með sínu lagi 8. september 2004 00:01 Kvikmyndin "The Shape of Things" er sýnd á indí dögum í Háskólabíói þessa dagana. Hér er á ferð dramatísk-svört kómedía af bestu gerð. Myndin hefst á listasafni þar sem taugaveiklaður safnvörður, Adam (Paul Rudd), reynir að stöðva óheflaðan listnema, Evelyn, (Rachel Weisz) í því að taka ljósmyndir af risavaxinni höggmynd. Adam hefur ekki árangur sem erfiði, Evelyn sannfærir hann um að leyfa sér ekki aðeins að taka myndir heldur einnig að nota úðabrúsa til að mála stóreflis getnaðarlim á styttuna, þar sem fíkjulauf fara í taugarnar á henni. Upp úr orðaskiptum þeirra hefst samband milli þessara ólíku persóna. Sambandið er miðpunktur myndarinnar, nokkurs konar vettvangur til að skoða áhrif ástarsambanda á manneskjur, með áherslu á hvernig fólk lagar sig hvort að öðru. Leikstjórinn Neil LaBute (In the Company of Men, Your Friends and Neighbours, Nurse Betty) byggir handrit myndarinnar á samnefndu leikriti eftir sjálfan sig. Handritið er snilldarlega skrifað, stútfullt af húmor, pælingum um samskipti kynjanna og raunar er hvergi dauðan punkt að finna, hvorki í samtölum né framvindu. Leikarar myndarinnar eru þeir sömu og léku verkið upprunalega á sviði. Þessi leikarahópur vinnur þrekvirki enda ekki einfalt að koma til skila hlutverkum sem byggjast alfarið á löngum samtölum en það tekst með afbrigðum vel. Fremst í flokki er Rachel Weisz sem einnig er ein af framleiðendum myndarinnar. Rachel tekst að skapa ógleymanlega persónu með hinni frjálslegu og óhefluðu listakonu Evelyn. Rachel sýnir með þessu hlutverki að hún er ein af fremstu leikkonum sinnar kynslóðar og getur sannarlega leikið fleira en öskurdúkkuna í B-myndunum "The Mummy" og framhaldi hennar, "The Return of the Mummy". Paul Rudd stendur sig líka sérstaklega vel sem óöruggur en sjarmerandi kærasti Weisz. Öll persónusköpun myndarinnar er sérstaklega góð. The Shape of Things er frumleg, fyndin og ögrandi mynd sem skilur mann eftir með spurningar um ástina, listina og lífið yfirleitt. The Shape of Things Leikstjóri: Neil LaBute Aðalhlutverk: Rachel Weisz, Paul Rudd Einar Árnason Bíó og sjónvarp Mest lesið Boðaði vinkonurnar í bústað eftir að hafa upplifað Tinder á sterum Lífið „Lætur mér líða eins og tími minn í Hollywood hafi verið ómaksins virði“ Lífið Fögnuðu sögulegum 850 þúsund króna hátalara Ella Egils Lífið Fréttatía vikunnar: Moulin Rouge, Blóðbankinn og Eurovision Lífið Sonur Fóstbróður slær í gegn: „Ég er fastur þarna núna, orðinn háður“ Lífið Nextar og Sinclair sýna þætti Kimmels aftur Bíó og sjónvarp Rapparinn og málverndarsinninn frjáls ferða sinna Lífið Selja íbúð í Vesturbænum: „Við eigum of mörg börn til að búa í henni áfram“ Lífið Lamaðist og missti sjón en fann styrk í sjálfri sér Lífið „Kristrún Frostadóttir frá... Finnlandi?“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Kvikmyndin "The Shape of Things" er sýnd á indí dögum í Háskólabíói þessa dagana. Hér er á ferð dramatísk-svört kómedía af bestu gerð. Myndin hefst á listasafni þar sem taugaveiklaður safnvörður, Adam (Paul Rudd), reynir að stöðva óheflaðan listnema, Evelyn, (Rachel Weisz) í því að taka ljósmyndir af risavaxinni höggmynd. Adam hefur ekki árangur sem erfiði, Evelyn sannfærir hann um að leyfa sér ekki aðeins að taka myndir heldur einnig að nota úðabrúsa til að mála stóreflis getnaðarlim á styttuna, þar sem fíkjulauf fara í taugarnar á henni. Upp úr orðaskiptum þeirra hefst samband milli þessara ólíku persóna. Sambandið er miðpunktur myndarinnar, nokkurs konar vettvangur til að skoða áhrif ástarsambanda á manneskjur, með áherslu á hvernig fólk lagar sig hvort að öðru. Leikstjórinn Neil LaBute (In the Company of Men, Your Friends and Neighbours, Nurse Betty) byggir handrit myndarinnar á samnefndu leikriti eftir sjálfan sig. Handritið er snilldarlega skrifað, stútfullt af húmor, pælingum um samskipti kynjanna og raunar er hvergi dauðan punkt að finna, hvorki í samtölum né framvindu. Leikarar myndarinnar eru þeir sömu og léku verkið upprunalega á sviði. Þessi leikarahópur vinnur þrekvirki enda ekki einfalt að koma til skila hlutverkum sem byggjast alfarið á löngum samtölum en það tekst með afbrigðum vel. Fremst í flokki er Rachel Weisz sem einnig er ein af framleiðendum myndarinnar. Rachel tekst að skapa ógleymanlega persónu með hinni frjálslegu og óhefluðu listakonu Evelyn. Rachel sýnir með þessu hlutverki að hún er ein af fremstu leikkonum sinnar kynslóðar og getur sannarlega leikið fleira en öskurdúkkuna í B-myndunum "The Mummy" og framhaldi hennar, "The Return of the Mummy". Paul Rudd stendur sig líka sérstaklega vel sem óöruggur en sjarmerandi kærasti Weisz. Öll persónusköpun myndarinnar er sérstaklega góð. The Shape of Things er frumleg, fyndin og ögrandi mynd sem skilur mann eftir með spurningar um ástina, listina og lífið yfirleitt. The Shape of Things Leikstjóri: Neil LaBute Aðalhlutverk: Rachel Weisz, Paul Rudd Einar Árnason
Bíó og sjónvarp Mest lesið Boðaði vinkonurnar í bústað eftir að hafa upplifað Tinder á sterum Lífið „Lætur mér líða eins og tími minn í Hollywood hafi verið ómaksins virði“ Lífið Fögnuðu sögulegum 850 þúsund króna hátalara Ella Egils Lífið Fréttatía vikunnar: Moulin Rouge, Blóðbankinn og Eurovision Lífið Sonur Fóstbróður slær í gegn: „Ég er fastur þarna núna, orðinn háður“ Lífið Nextar og Sinclair sýna þætti Kimmels aftur Bíó og sjónvarp Rapparinn og málverndarsinninn frjáls ferða sinna Lífið Selja íbúð í Vesturbænum: „Við eigum of mörg börn til að búa í henni áfram“ Lífið Lamaðist og missti sjón en fann styrk í sjálfri sér Lífið „Kristrún Frostadóttir frá... Finnlandi?“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira