Keppt um Ólympíuleikana 2012

Á meðan heimsbyggðin fylgist með afrekum íþróttamanna á Ólympíuleikunum í Aþenu bíða íbúar nokkurra stærstu borga heims eftir úrslitum í annarri keppni, sem þó tengist leikunum. New York, París, Lundúnir, Moskva og Madríd keppast nefnilega um að fá að halda Ólympíuleikana árið 2012. Fulltrúar borganna kynntu þær í Aþenu í dag. Umsóknin ein og sér kostar formúgu, og ferðamálafrömuðir í Grikklandi segja gróðann vafasaman, þar sem ferðamönnum þar í landi hefur fækkað um helming í ár.