Viðskipti erlent

Moodys lækkar lánshæfi Ítalíu

Lánshæfi ríkissjóðs Ítalíu var lækkað í nótt af mats-fyrirtækinu Moodys. Ítalir fá nú einkuninna A2 með neikvæðum horfum en í gær var ríkið með einkuninna Aa2. Moodys segja að aukinni áhættu við langtímafjármögnun ríkja Evrusvæðisins sé fyrst og fremst um að kenna og að fjárfestar hafi að stórum hluta misst traust á evrunni. Lækkunin kemur þrátt fyrir að skuldir hins opinbera á Ítalíu séu fremur lágar og að lánsfjárþörf Ítala sé ekki mikil þessa stundina.

Viðskipti erlent

Allt um iPhone 4S - myndband

Apple kynnti í dag nýja útgáfu af iPhone símanum. Margir aðdáendur símans hafa eflaust orðið fyrir einhverjum vonbrigðum því nýi síminn er ekki iPhone 5, eins og margir höfðu spáð, heldur iPhone 4S.

Viðskipti erlent

Apple á topp tíu yfir verðmætustu vörumerkin - Coke enn á toppnum

Apple tæknifyrirtækið hefur nú í fyrsta sinn komist á topp tíu listann yfir verðmætustu vörumerki veraldar. Listinn er gefinn út árelga af fyrirtækinu Interbrand og þar eru vörumerki verðlögð og miðað við ýmsa þætti á borð við afkomu og styrk vörumerkisins sjálfs. 100 fyrirtæki eru á listanum á hverjum tíma og er Apple hástökkvari þessa árs og er nú metið á tæpa 34 milljarða dollara.

Viðskipti erlent

Evruríkin fresta ákvörðun um frekari lán til Grikkja

Fjármálaráðherrar Evrusvæðanna hafa ákveðið að fresta ákvörðun sinni um hvort Grikkir eigi að fá frekari fjárhagsaðstoð frá hópnum. Þetta var ákveðið í gærkvöldi eftir að Grikkir höfðu lýst því yfir að þeir myndu ekki ná takmörkum sem þeir höfðu sett sér við að draga úr fjárlagahalla ríkisins.

Viðskipti erlent

Miklar lækkanir í Evrópu

Miklar lækkanir hafa orðið á evrópskum hlutabréfamörkuðum eftir að þeir opnuðu klukkan sjö í morgun. Lækkanirnar stafa af yfirlýsingum grísku ríkisstjórnarinnar frá því í gærkvöldi þar sem sagði að ekki tækist að ná áður settum markmiðum um að lækka fjárlagahallann.

Viðskipti erlent

Fjárlagahalli Grikkja: Ná ekki markmiðum sínum

Gríska ríkisstjórnin tilkynnti í gærkvöldi að hallinn á fjárlögum þessa árs verði meiri en áætlanir gerðu ráð fyrir. Á síðasta ári nam hallinn 10,5 prósentum af vergri landsframleiðslu en takmarkið fyrir árið í ár var að minnka hallan svo hann yrði 7,6 prósent. Nú er hinsvegar ljóst að það markmið næst ekki og er gert ráð fyrir 8,5 prósenta halla.

Viðskipti erlent

ESA kvartar yfir SAS

SAS flugfélagið hefur að undanförnu ráðið 130 nýja flugmenn sem munu fljúga fyrir félagið næsta sumar. Fjöldi flugmanna er um 1400 og þetta er því um 10% stækkun á flotanum, segir Eivind Bjurstrøm yfirflugstjóri við ABC Nyheter í Noregi.

Viðskipti erlent

Warren Buffet er bjartsýnn á framtíðina

Milljarðamæringurinn Warren Buffet er hvergi nærri af baki dottinn í fjárfestingum sínum, þrátt fyrir að staðan á hlutabréfamörkuðum hafi verið vægast sagt skelfileg upp á síðkastið. Buffet heimsótti Kauphöllina í New York á föstudaginn. Við það tækifæri sagði hann í samtali við CNBC fréttastöðina að önnur kreppa í Bandaríkjunum væri ekki í augsýn. Hann sjálfur sæi marga fjárfestingamöguleika á hlutabréfamarkaði.

Viðskipti erlent

Bretar háðir evrusamstarfinu

David Cameron, forsætisráðherra Breta, segir að það yrði afskaplega slæmt fyrir Bretland ef það slitnaði upp úr evrusamstarfinu. Í þætti Andrews Marr á BBC sagði hann að að skuldastaða evruríkjanna væri ekki einungis ógn við evruna heldur einnig mikil ógn við breska hagkerfið og alþjóðahagkerfið. Hann ítrekaði að leiðtogar evruríkjanna verða að taka skjóta og ábyrga ákvörðun til að bregðast við vandanum. Cameron sagði að 40% af útflutningi Bretlands væri til evruríkjanna og Bretland gæti því ekki flúið vandann.

Viðskipti erlent

Chrome mun taka við af Firefox

Það lítur allt út fyrir að Chrome forritið, sem hannað er af Google, muni taka við af Firefox sem næst vinsælasti vefvafrinn. Samkvæmt nýjustu tölum nota 23,6% notenda Chrome á meðan 26,8% notast við Firefox. Búist er við að Chrome sigli framhjá Firefox á næstu mánuðum. Firefox hefur verið afar vinsæll vefvafri síðustu ár og hefur gert notendum kleift að sérhæfa reynslu sína af internetinu. Internet Explorer heldur sæti sínu sem vinsælast vefvafri veraldar, líkt og hann hefur gert undanfarin ár.

Viðskipti erlent

Lánshæfiseinkunn Nýja Sjálands lækkuð

Nýja Sjáland hefur bæst í hóp þeirra ríkja sem hafa lent í því að lánshæfi þeirra sé lækkað. Matsfyrirtækin Fitch og Standard & Poors lækkuðu bæði í nótt lánshæfismat landsins úr AA+ niður í AA. Í gegnum tíðina hafa Nýsjálendingar verið fremur hátt metnir þegar kemur að lánshæfi enda hefur ríkissjóður þar í landi tekið lítið af lánum þótt einkageirinn hafi verið skuldum vafinn.

Viðskipti erlent

Rauðar tölur í Evrópu

Verð á hlutabréfum lækkaði enn og aftur við opnun markaða í morgun. Áhyggjur manna af erfiðleikum á evrusvæðinu eru sem fyrr aðal ástæða lækkana en við það hafa nú bæst nýjar tölur um samdrátt í smásölu í Þýskalandi og minnkandi framleiðslu í Kína. FTSE vísitalan í London hefur lækkað um 1,16 prósent og CAC vísitalan í Frakklandi um svipaða prósentutölu. Þá hefur Dax vísitalan í Frankfurt lækkað um tæp tvö prósent. Nú stefnir allt í að mánuðurinn sem er að líða sé sá versti í kauphöllum Evrópu frá hruninu í október 2008.

Viðskipti erlent

Kindle Fire vekur hrifningu

Jeff Bezos, forstjóri vefverslunarinnar Amazon, steig á svið í New York í gær og kynnti nýjustu spjaldtölvu fyrirtækisins - Kindle Fire. Ætlast er til að Kindle Fire fari í beina samkeppni við IPad 2 vél Apple.

Viðskipti erlent

Hefur miklar áhyggjur af atvinnuleysi

Ben Bernanke, seðlabankastjóri í Bandaríkjunum, segir að Bandaríkin standi andspænis stórkostlegum vanda vegna mikils atvinnuleysi. Atvinnuleysið í landi hefur verið um eða yfir 9 prósent frá því í apríl 2009.

Viðskipti erlent

IPhone 5 væntanlegur

Talið er að Apple muni kynna næstu týpu iPhone símans vinsæla á þriðjudaginn kemur. Miklar umræður hafa skapast um hverjar nýjungarnar verði en talið er að þónokkrar breytingar séu væntanlegar. Hvað varðar innviði nýja símans er talið að iPhone 5 muni notast við sama örgjörva og er í spjaldtölvunni iPad 2. Þannig verður síminn mun kraftmeiri en áður. Einnig er talið líklegt að útlitsbreytingar verði miklar. Skjárinn mun hugsanlega verða stærri og mögulega verður bakhlið tækisins kúpt en ekki flöt eins og nú er. Að auki telja sérfræðingar að líklegt sé að IPhone 5 muni styðja þrívídd en fyrr á árinu gaf fyrirtækið HTC út fyrsta símann sem útbúinn er þrívíddar skjá.

Viðskipti erlent

Nokia leggur niður þúsundir starfa

Farsímaframleiðandinn Nokia ætlar að skera niður um 3500 störf og loka verksmiðju í Rúmeníu. Fyrirtækið hafði áður áformað að segja upp þúsundum manna annarsstaðar í tengslum við niðurskurð fyrirtækisins sem nemur einum milljarði evra, eða um 160 milljörðum króna. Samkvæmt fréttum BBC fréttastofunnar mun fyrirtækið svo skoða hvernig starfsemi verður háttað í framtíðinni í Finnlandi, Ungverjalandi og Mexíkó. Hlutabréf í Nokia hafa fallið um helming á þessu ári og lækkuðu um 1,6% við opnun markaða í morgun.

Viðskipti erlent

Facebook og Apple kynna nýjungar

Talið er líklegt að Facebook muni kynna sérhæft forrit fyrir Ipad í næstu viku. Hingað til hefur samskiptasíðan hundsað spjaldtölvu Apple og hafa notendur þurft að notast við forrit í gegnum þriðja aðila til að tengast Facebook. En nú telja sérfræðingar að Facebook muni opinbera sérhæft forrit fyrir Ipad. Ekki einungis er um að ræða hefðbundið Ipad app, því nú þykir ljóst að HTML5 ívafsmálið sé notað til að kóða forritið. HTML5 er merkilegt fyrir þær sakir að með því er hægt að miðla ýmsu efni sem ekki var mögulegt áður. Tekur þetta einna helst til Flash efnis sem sárlega hefur verið saknað í jaðartækjum Apple.

Viðskipti erlent

Strangar fjárlagareglur fyrir aðildarríki ESB samþykktar

Evrópuþingið samþykkti í gær nýjar og strangari fjárlagareglur fyrir aðildarríkin, sem á að efla samstarf þeirra í ríkisfjármálum og koma í veg fyrir óhóflega skuldasöfnun. Heilt ár er liðið síðan framkvæmdastjórn Evrópusambandsins samþykkti tillögur sínar að þessum nýju reglum. Þeim er ætlað að draga úr líkum þess að aðildarríkin lendi í vanda á borð við þann, sem Grikkir og fleiri þjóðir evrusvæðisins glíma nú við.

Viðskipti erlent

Skoda kynnir nýjan smábíl

Bílaframleiðandinn Skoda er um þessar mundir að kynna nýja tegund af smábíl, sem er hugsaður fyrir þá sem eru að kaupa sér bíl í fyrsta skipti eða eiga fyrir einn bíl í fjölskyldunni.

Viðskipti erlent

Amazon kynnir Kindle Fire

Vefverslunarfyrirtækið Amazon.com mun í dag opinbera sína nýjustu vöru - Kindle Fire. Amazon fer þannig í beina samkeppni við Ipad tölvu Apple risans. Kindle Fire mun státa af 7 tommu snertiskjá og verður knúinn af Android stýrikerfinu. Notendur munu þó vætanlega ekki kannast við stýrikerfið enda hefur Amazon algjörlega endurhannað viðmót þess. Á síðustu mánuðum hefur Amazon kvatt hugbúnaðarframleiðendur til að þróa ný forrit fyrir Kindle Fire. Sérfræðingar telja að tölvan muni taka snið af Blackberry Playbook og muni einnig notast við sama örgjörva.

Viðskipti erlent

Vilja skatt á fjármagnsflutninga

Framkvæmdastjórn Evrópusambandins hefur formlega lagt til skatt á fjármagnsflutninga í öllum ríkjum Evrópusamstarfsins. Gert er ráð fyrir að skatturinn myndi afla um 57 milljarða evra tekna á ári og yrði settur á í byrjun ársins 2014.

Viðskipti erlent

Papandreu segir Grikki standa við sitt

Gríski forsætisráðherrann staðhæfir að Grikkir geti staðið við allar skuldbindingar sínar. Georg Papandreu sagði þetta á fundi í Þýskalandi í gær en þar ræddi hann við forkólfa þýsks viðskiptalífs. Síðar um daginn fundaði hann með Angelu Merkel Þýskalandskanslara.

Viðskipti erlent

Nýi síminn á leiðinni

Apple, sem framleiðir meðal annars iPad og iPhone, hefur staðfest að nýjasta kynslóðin af iPhone verði kynnt þann fjórða október. Sögusagnir um þetta voru þegar farnar að berast manna á milli. Í dag var einnig greint frá því að sama dag og Apple mun kynna nýja símann mun Facebook kynna nýtt forrit fyrir iPad og nýja útgáfu af slíku forriti fyrir iPhone símana. Það eru því spennandi tímar framundan fyrir tækniunnendur.

Viðskipti erlent

"Ríkisstjórnir stjórna ekki heiminum, Goldman Sachs gerir það“

Hlutabréf hækkuðu talsvert í viðskiptum í morgun og er það rakið til vaxandi væntinga um að Alþjóðagjaldeyrissjóðurinn og leiðtogar á evrusvæðunum nái samkomulagi um lausn á skuldavandanum í evrulöndunum. Verðbréfamiðlari segir það engu skipta, þar sem ríkisstjórnir stjórni ekki heiminum. Hann spáir því að sparifé milljóna manna muni hverfa innan árs.

Viðskipti erlent

Von á nýjum Lada

Von er á nýjum Ladabílum aftur á markað á næstunni. Það er Steve Mattin, sem var yfirhönnuður hjá Volvoverksmiðjunum allt til ársins 2009, sem vinnur að hönnun nýju bílanna. Mattin var rekinn úr starfi sínu hjá Volvo af ástæðum sem ekki eru þekktar. Hann mun hefja störf hjá rússneska bílaframleiðandanum AvtoVAZ, sem framleiðir Lada.

Viðskipti erlent

Nubo horfir til fleiri Norðurlanda

Huang Nubo, kínverski milljarðamæringurinn sem hefur stórhuga áform um ferðaþjónustu á Grímsstöðum á Fjöllum, segir í viðtali við Bloomberg fréttaveituna að hann hafi áhuga á frekari fjárfestingum í ferðaþjónustu annars staðar á Norðurlöndum.

Viðskipti erlent

Mest lesið