Aron Jóhannsson á óskalista Werder Bremen

Þýska liðið Werder Bremen er á höttunum á eftir Aroni Jóhannssyni framherja AZ Alkmaar en þetta fullyrða fjölmiðlar í Þýskalandi.

Félögin vinna nú að því að ná samkomulagi um kaupverð. AZ vill fimm milljónir evra en Werder Bremen er aðeins tilbúið til að borga fjórar milljónir. Arons biði það hlutverk að vera arftaki Argentínumannsins Franco di Santo

Aron, sem er bandarískur landsliðsmaður, hefur leikið með AZ frá árinu 2013 en þaðan kom hann frá AGF í Danmörku. Hann hefur skorað 29 mörk í 58 leikjum með félaginu.