Fíkniefnasmygl með Dettifossi

Fréttamynd

Skip­verjarnir áttu að fá 2,5 milljónir króna á haus

Annar tveggja skipverja Dettifoss, sem ákærðir hafa verið fyrir að hafa komið að innflutningi á fjórtán lítrum af amfetamínbasa, segir þá hafa átt að fá 2,5 milljónir króna fyrir ómakið. Ætla má að götuvirði efnanna gæti numið allt að 280 milljónum króna og skipverjarnir gætu átt yfir höfði sér langa fangelsisvist.

Innlent
Fréttamynd

Telja Sæ­var hafa verið tengi­lið Kastriots við skip­verjana

Lögregla telur að Kastriot Pepaj hafi verið aðalmaðurinn við skipulagningu fíkniefnainnflutnings í Dettifossmálinu svokallaða ásamt Sævari Erni Hilmarssyni sem sá um samskipti við skipverja á Eimskipi sem fluttu efnin til landsins. Lögregla lagði hald á dýra muni við húsleit á heimili Sævars sem er einnig grunaður um alvarlega líkamsárás við Kórinn í Kópavogi í janúar.

Innlent
Fréttamynd

Kastriot og Sæ­var á­kærðir í Dettifoss-málinu

Kastriot Pepaj og Sævar Hilmarsson hafa verið ákærðir í umfangsmiklu fíkniefnamáli vegna innflutnings á fjórtán lítrum af amfetamínbasa með Dettifossi, gámaskipi Eimskips. Tveir skipverjar á Dettifossi eru einnig ákærðir í málinu.

Innlent
Fréttamynd

Sími undir dýnu á skipti­borði tengdur inn­flutningi am­feta­mín­basa

Tveir menn eru grunaðir um að hafa í sameiningu skipulagt innflutning á fjórtán lítrum af amfetamínbasa til Íslands með Dettifossi, gámaskipi Eimskips, í apríl. Mennirnir fengu tvo skipverja Eimskips til að aðstoða við innflutninginn. Mennirnir fjórir hafa verið í gæsluvarðhaldi frá því í apríl en búast má við því að gefin verði út ákæra í málinu á næstu dögum.

Innlent
Fréttamynd

Fjórir í varð­haldi vegna Detti­fossmálsins

Fjórir sitja nú í gæsluvarðhaldi vegna rannsóknar á umfangsmiklu fíkniefnamáli sem snýr að innflutningi á rúmlega fjórtán lítrum af amfetamínbasa, að sögn lögreglu. Áður kom fram að þrír þeirra hafi verið handteknir í viðamiklum aðgerðum um miðjan apríl í tengslum við meintan innflutning með Dettifossi, gámaflutningaskipi Eimskips.

Innlent
Fréttamynd

Gæslu­varð­hald fram­lengt yfir þremur í Dettifossmálinu

Gæsluvarðhald yfir þremur sakborningum í rannsókn lögreglu á innflutningi á fjórtán lítrum af amfetamínbasa með Dettifossi, gámaflutningaskipi Eimskips, hefur verið framlengt. Einn þeirra sætir varðhaldi í tvær vikur til viðbótar en hinir tveir, sem eru starfsmenn Eimskips, í eina viku hvor.

Innlent
Fréttamynd

Stóra að­gerðin valdi titringi á fíkni­efna­markaði

Stórfellt smyglmál um borð í Dettifossi er talið geta haft veruleg áhrif á fíkniefnamarkaðinn hér á landi, að sögn lögreglu. Lagt var hald á rúmlega 14 lítra af amfetamínbasa og þrír sitja í gæsluvarðhaldi vegna málsins, þar á meðal tveir starfsmenn Eimskips sem hafa ekki áður komið við sögu lögreglu.

Innlent
Fréttamynd

Eim­skip líta smyglið mjög al­var­legum augum

Samskiptastjóri Eimskips segir að fyrirtækið líti ætlaðan innflutning á fíkniefnum um borð í Dettifossi mjög alvarlegum augum. Tveir starfsmenn félagsins eru meðal þriggja sem sæta nú gæsluvarðhaldi vegna rannsóknarinnar.

Innlent
Fréttamynd

Tveir hand­teknu starfs­menn Eimskipa

Tveir starfsmenn Eimskipa sæta gæsluvarðhaldi grunaðir um aðild að smygli á verulegu magni af sterkum fíkniefnum til landsins. Samkvæmt heimildum fréttastofu er um að ræða fíkniefni í vökvaformi. Húsleit var framkvæmd á heimili þriðja manns sem var úrskurðaður í vikulangt gæsluvarðhald í dag. 

Innlent
Fréttamynd

Sex hand­teknir og um veru­legt magn sterkra efna að ræða

Karlmaður á fertugsaldri sem lögreglu grunar um umfangsmikið smygl fíkniefna með Dettifossi var síðast handtekinn af lögreglu í janúar grunaður um alvarlega líkamsárás á þorrablóti í Kópavogi. Lögregla réðst í húsleit á heimili hans á höfuðborgarsvæðinu í gær og lagði hald á fjölmarga muni í eigu hans. Alls voru sex handteknir og sæta þrír gæsluvarðhaldi í tengslum við rannsókn á innflutningi á verulegu magni af sterkum fíkniefnum.

Innlent
Fréttamynd

Góð­kunningjar lög­reglu grunaðir í stóru dópmáli

Miðlæg rannsóknardeild lögreglunnar á höfuðborgarsvæðinu réðst í handtökur í gær í tengslum við meintan innflutning fíkniefna til landsins. Samkvæmt heimildum fréttastofu hefur lögregla til rannsóknar innflutning með gámaflutningaskipi Eimskips og var með viðbúnað á hafnarsvæði fyrirtækisins fyrri part dags í gær.

Innlent

Mest lesið