Kompás

Kompás

Fréttaskýringaþáttur þar sem hin ýmsu málefni eru krufin til mergjar.

Fréttamynd

Enn í rannsókn

Guðmundur Jónsson er grunaður um stórfelld skattalagabrot og fjárdrátt upp á tugmilljónir króna. Þeirri rannsókn lýkur í lok febrúar. Lögreglumenn þurftu að grafa upp bókhaldsgögn Byrgisins úr bakgarði Guðmundar. Svartri skýrslu um bókhald Byrgisins var fleygt á milli pólitíkusa. Það vildi enginn axla ábyrgðina.

Stöð 2
Fréttamynd

Guðmundur í Byrginu ákærður

Guðmundur í Byrginu hefur verið ákærður fyrir brot gagnvart fjórum konum, þar af einni undir lögaldri. Hún segir sögu sína í næsta þætti. Þrjár mæður fórnarlamba stíga fram og tjá sig um málið og eftirleikinn. Kompás rifjar upp eitt athyglisverðasta sakamál seinni tíma. Þrettán mánuðir eru liðnir síðan Kompás greindi frá því að Guðmundur tók ítrekað þátt í kynlífsathöfnum með ungum konum sem voru skjólstæðingar Byrgisins þegar hann var forstöðumaður þess. Tugmilljóna skattsvikamál eru til rannsóknar. Bókhald Byrgisins fannst grafið í bakgarði Guðmundar.

Stöð 2
Fréttamynd

Hótanir í Vogum

Grimmd undirheimanna er ekki bundin við þá eina sem þar lifa og hrærast, fjölskyldurnar þjást og verða jafnvel fórnarlömb ofbeldisverka. Þó unga fólkið losni úr neyslunni sitja skuldirnar eftir, raunskuldir og upplognar. Foreldrunum er hótað af handrukkurum sem svífast einskis. Við segjum frá fimm manna fjölskyldu í Vogum á Vatnsleysuströnd sem sætti sig ekki við ofbeldishótanir og þvinganir. Kompás fylgdist með aðgerðum lögreglu og andrúmsloftinu á heimilinu.

Stöð 2
Fréttamynd

Ofsögur úr undirheimum

Hugrekki Ragnars hefur orðið samfélaginu í Vogum hvatning til að snúa vörn í sókn. Lögreglan hvetur fólk til láta ekki ofsögur af ofbeldi handrukkara hindra sig í því að leita liðsinnis lögreglu.

Stöð 2
Fréttamynd

Sigur Rögnu

Í byrjun nóvember á liðnu ári sögðum við frá baráttu Rögnu Bjarkar Þorvaldsdóttur gegn Tryggingarstofnun en hún þurfti sjálf að bera kostnað af lífsnauðsynlegum lyfjum í áratugi - lyfjum sem ríkið átti alla tíð að borga. Hún þurfti að sækja sinn rétt fyrir dómstólum og Hæstiréttur felldi dóm í málinu í síðustu viku.

Stöð 2
Fréttamynd

Handrukkarar og fórnarlömb þeirra

Grimmd undirheima fíkniefnanna er ekki bundinn við þá eina sem þar lifa og hrærast, fjölskyldurnar þjást og verða jafnvel fórnarlömb ofbeldisverka. Þó börnin losni úr neyslunni sitja skuldirnar eftir, raunskuldir og upplognar. Foreldrunum er hótað af handrukkurum sem svífast einskis, bæði með hótunum og líkamsmeiðingum.

Stöð 2
Fréttamynd

Í bóli bjarnar

Rússland er á ný rísandi veldi. Pútín forseti notar olíupeningana til að styrkja herinn, meðal annars til að senda herskip og flugvélar á gamlar slóðir. Á sama tíma vilja Rússar fá að taka fullan þátt í alþljóðlegu viðskiptakerfi. Þeir vilja meðal annars selja Íslendingum þyrlur, en þykjast mæta undarlegum mótþróa. Þórir Guðmundsson og Ingi R. Ingason fóru til Rússlands, fóru í ból Bjarnarins.

Stöð 2
Fréttamynd

Olía, hernaður og pólitík

Sambúð Rússlands og NATO ríkjanna hefur farið hríðversnandi undanfarið. Ríkin deila um eldflaugar í Austur-Evrópu, uppsögn vígbúnaðarsamninga og margvísleg diplómatísk álitamál. En er það ástæðan fyrir flugi Bjarnarins yfir Norður-Atlantshafi? Við spurðum sérfræðinga í Rússlandi, Noregi og á Íslandi.

Stöð 2
Fréttamynd

Þyrlur til sölu

Á sama tíma og Rússar senda sprengjuflugvélar að ströndum Íslands, þá vilja þeir gjarnan selja Íslendingum þyrlur. Framundan er útboð í samstarfi við Norðmenn vegna kaupa á björgunarþyrlum fyrir Landhelgisgæsluna. Rússar óttast að það eigi að ganga framhjá rússneskum framleiðendum.

Stöð 2
Fréttamynd

Kompás í Rússlandi

Rússneskar herflugvélar hafa sveimað yfir Íslandi á síðustu mánuðum. Er nýtt kalt stríð í uppsiglingu í íslenskri lofthelgi? Kompás lagði land undir fót og hélt til Rússlands til fundar við rússneska flugherinn. Kompás er á dagskrá á þriðjudögum kl. 21:50 á Stöð 2.

Stöð 2
Fréttamynd

Skuggahliðar samfélagsins

Við horfum tilbaka á viðburðarríkt ár í sögu þáttarins. Kompás vann í annað sinn til Edduverðlauna og við fengum verðlaun Blaðamannafélags Íslands fyrir rannsóknarblaðamennsku. Fjölmörg mál voru skoðuð ofan í kjölinn, mál sem urðu tilefni umræðu í samfélaginu. Við vorum á faraldsfæti og heimsóttum fjarlæg lönd og stríðshrjáð. Við skoðuðum fjölmörg mál ofan í kjölinn, mál sem urðu tilefni umræðu í samfélaginu.

Stöð 2
Fréttamynd

Krufin til mergjar

Fréttir Kompáss um átakalínur í stjórnmálum, kvótamálum, trúmálum, vatnsbætt kjöt og efnahagsstjórn landsins vöktu allar mikla athygli á árinu.

Stöð 2
Fréttamynd

Á faraldsfæti

Írak, Ekvador, Kenýa, Japan og Mongólía voru meðal þeirra landa sem Kompás flutti fréttir frá á árinu. Þarna voru sögur af fólki sem tengjast Íslandi á einn eða annan hátt.

Stöð 2
Fréttamynd

Utan alfaraleiðar

Það voru ekki bara dekkri hliðar mannlífsins sem Kompás kannaði. Veggjalús, munkar og meintir milljarðamæringar komu líka við sögu.

Stöð 2
Fréttamynd

Brot af því besta

Við horfum tilbaka á viðburðarríkt ár í sögu þáttarins. Kompás vann í annað sinn til Edduverðlauna og við fengum verðlaun Blaðamannafélags Íslands fyrir rannsóknarblaðamennsku. Fjölmörg mál voru skoðuð ofan í kjölinn, mál sem urðu tilefni umræðu í samfélaginu.

Stöð 2
Fréttamynd

Leynihvelfing á Kili

Leynileg skilaboð, dulkóðaðir lyklar í listaverkaperlum DaVinci, Botticelli og annara meistara hafa orðið mörgum mönnum yrkisefni í skáldverkum og er þeirra þekktast líklegast bók Dan Brown, Da Vinci lykillinn. En aðrir hafa á sama tíma nálgast þetta efni á forsendum fræðimennsku og talið sig geta með þeim hætti opnað dyr að nýrri þekkingu. Við segjum frá hópi manna, með Ítala í broddi fylkingar sem árum saman hefur unnið að rannsóknum sem eiga að leiða í ljós að meistarar miðalda duldu í verkum sínum frásögu um leyniför og falda helgidóma í leynihvelfingu á íslensku miðhálendi.

Stöð 2
Fréttamynd

Helgidómar á hálendinu

Á sumri komanda er vonast til að hægt verði að bora leið fyrir myndavél í hvelfingu musterisriddarana á Kili. Sveitarstjórn Gnúpverjahrepps hefur veitt sitt leyfi fyrir framkvæmdum á staðnum. Kirkjan eru spennt fyrir öllu því nýja sem vísindamenn hafa grafið upp á síðstu árum. Þetta varpi dýpra ljósi á inntak kristninnar.

Stöð 2
Fréttamynd

Hestur guðanna

Hesturinn Hrímnir frá Hrafnagili var felldur í haust á 32 öðru aldursári. Þessi drifhvíti höfðingi ber nú bein sín við húsvegginn að Varmalæk í Skagafirði en goðsögnin um Hrímnir lifir áfram. Meðal hestafólks ríkir ákveðinn söknuður enda flestir eru sammála um að enginn viðlíka hestur hafi sést hvorki fyrr né síðar.

Stöð 2
Fréttamynd

Hinn heilagi gral á Íslandi?

Ítalinn Giancarlo Gianazza hefur legið yfir leyndardómum miðaldamálaranna Botticelli og Leonardo DaVinci í tíu ár. Þar fann hann leyndar vísbendingar sem bentu til Íslands og einnar helstu perlu bókmenntanna hinn Guðdómlega gleðileik eftir Dante. Þrotlaust starf fullvissaði hann um að í þessum verkum fólust skilaboð um að leyndardómum, ef til vill frá frumkristni, hefði verið komið fyrir á Íslandi á tólftu öld.

Stöð 2
Fréttamynd

Arfur Sonju

Þegar heimskonan Sonja Benjamínsson de Zorilla lést fyrir fimm árum var boðað að allar hennar eigur rynnu í minningarsjóð til styrktar málefnum barna. Jafnvel var talið að eigur hennar hefðu numið hátt í tíu milljörðum króna. En hvað varð um milljarðana - eða voru þeir yfirhöfuð til?

Stöð 2
Fréttamynd

Ekkert einkamál

Ekkert af sautján styrktarfélögum langveikra barna kannast við stuðning úr Zorrilla sjóðnum. Sjóðsstjórar gefa til kynna að höfuðstóll sjóðsins sé í besta falli tvö til þrjúhunduð milljónir króna - en það er óravegur frá þeim milljörðum sem Sonja var talin eiga. Það fæst ekki skýrt hvað varð um verðmætt listaverkasafn hennar til dæmis Picasso verk, sem var henni kært, en hangir nú uppi á einkaheimili í Reykjavík

Stöð 2
Fréttamynd

Lífstíðardómur

Í mars fjallaði Kompás ítarlega um morðið á Íslendingnum Gísla Þorkelssyni í Suður-Afríku. Honum var ráðinn bani vorið 2005 og lík hans steypt í ruslatunnu. Vinur Gísla, Willi Theron, var sakfelldur fyrir morðið í síðasta mánuði og í síðstu viku hlaut hann lífstíðardóm fyrir ódæðið.

Stöð 2
Fréttamynd

Sjóður Sonju Zorrillu

Lítið hefur farið fyrir minningasjóði hinnar litríku Sonju Benjamínsson Zorillu. Þegar hún lést fyrir rúmum fimm árum var talið að eigur Sonju, uppá milljarða króna, - jafnvel hátt í tíu milljarða, myndu renna í sjóðinn. Hann átti að styrkja íslensk og bandarísk börn til menntunar og heilbrigðis. Forsvarsmenn sjóðsins segja að málefni hans séu einkamál og almenningur eigi engan kröfurétt á upplýsingum. Vinir og ættingjar Sonju eru eru undrandi á því hversu lítið fari fyrir þessum sjóði og telja það ekki í anda þessarar heimskonu að hljótt fari um sjóðinn. Þeir telja nauðsynlegt að sjóðurinn starfi fyrir opnum dyrum.

Stöð 2
Fréttamynd

Áfallið

Á hverjum degi fá rúmlega tveir Íslendingar slag sem er yfirheiti yfir heilablóðföll og heilablæðingar. Við kynnumst tveimur ungum stúlkum sem fengu heilablæðingu og urðu mjög alvarlega veikar. Í dag hafa þær báðar náð ótrúlegum bata. Það að fá heilablæðingu eða heilablóðfall er grafalvarlegt mál og það skiptir miklu máli að fólk þekki einkennin að undanfara slíkra blæðinga. Með réttum forvörnum er hægt að minnka líkurnar á því að fá slag um helming. Reikna má með að einn af hverjum sjö Íslendingum fái slag á lífsleiðinni.

Stöð 2
Fréttamynd

Bætt meðferð

Skurðaðgerð á heila vegna heilablæðingar getur tekið allt að átta klukkustundir. Með aukinni tækni er hægt að staðsetja blæðingar í heila og hugsanlega koma í veg fyrir alvarleg áföll. Endurhæfing slagsjúklinga getur tekið mörg ár og þeir eru lengi að jafna sig. Sumir ná fullum bata - aðrir ekki.

Stöð 2
Fréttamynd

Þekktu einkennin

Talið er að tíðni slaga muni aukast á heimsvísu á næstu árum vegna stöðugt hækkandi aldurs. Með réttum forvörnum einstaklinganna geta þeir minnkað hættuna á að fá slag um helming. Amfetamín- og kókaínneysla eykur hættuna á heilablóðfalli hjá ungu fólki.

Stöð 2
Fréttamynd

Heilablóðfall og heilablæðingar

Einn af hverjum sjö Íslendingum fær heilablóðfall einhverntíman á lífsleiðinni. Það er einstaklingsbundið hversu mikill skaðinn er en sumir jafna sig aldrei að fullu. Er hægt að minnka hættuna á að fá heilablóðfall? Kompás skoðar afleiðingar heilablóðfalla og heilablæðinga. Kompás er á dagskrá á þriðjudögum kl: 21:30 á Stöð 2.

Stöð 2
Fréttamynd

Félagi Jeltsín

Hljómsveit kennd við rússneska leiðtogann Boris Jeltsín, er að stíga sín fyrstu skref með lagið Kíló af Prósakki. Félagarnir fimm sem skipa hljómsveitina stefna á heimsfrægð og það fyrr en síðar. Áhrifavaldarnir eru úr öllum áttum - tónlist tíunda áratugarins, tölvuleikir, og einræðisherrar.

Stöð 2
Fréttamynd

Skammbyssa á svörtu

Það er auðvelt að kaupa skambyssu og önnur ólögleg vopn á Íslandi. Þetta sýnir Kompás fram á í kvöld en tálbeitu þáttarins voru boðnar tvær skambyssur til sölu - og það tók ekki langan tíma að finna sölumennina. Á hverju ári gerir lögreglan upptæk tugi ólöglegra vopna og þar með taldar skambyssur og afsagaðar haglabyssur. Vopn eru ólögleg ef þau eru ekki skráð og þannig vopn geta legið víða.

Stöð 2
Fréttamynd

Harmleikur

Kompás kafar ofan í markað með ólögleg vopn á Íslandi og skoðar það hvernig byssumanninum sem tók eigið líf og annars manns á Sæbraut í sumar, tókst að kaupa byssu í skotveiðiverslun með byssuleyfi vinar síns upp á vasann. Kompás sendi tálbeitu í síkar verslanir til að athuga hvort hægt væri að kaupa byssur með sama hætti. En er hægt að kaupa skambyssu á svörtum markaði á Íslandi?

Stöð 2

Mest lesið