Ítarlegt viðtal við Örnu Ýr
Arna Ýr, Ungfrú Ísland, kom heim til Íslands í nótt eftir erfiða daga og vikur í Las Vegas, þar sem hún ætlaði að taka þátt í fegurðarkeppni. Henni leið illa nánast allan tímann, líka áður en eigandi keppninnar setti út á holdafar hennar. Í dagbók sem hún hélt allan tímann lýsir hún því hve niðurlægðri henni leið og hversu örvæntingarfull hún var orðin þegar vegabréfið var tekið af henni og hún var föst í Las Vegas. Henni var m.a. sagt að ef megrunin sem hún var skikkuð í yrði til þess að brjóstin hyrfu, væri eigandi keppninnar tilbúinn að borga undir hana sílíkonaðgerð. Þórhildur Þorkelsdóttir fréttakona hitti Örnu sem sagði henni sólarsöguna.
