Reynt að kúga dreng með gervigreindarmyndum
Erlendir netkúgarar hótuðu að dreifa gervigreindarbúnu kynferðislegu myndefni af íslenskum unglingspilti ef hann greiddi þeim ekki tíu þúsund krónur. Þetta gerðist eftir að hann samþykkti vinabeiðni á samskiptaforritinu Discord. Pilturinn reyndi að bera þetta einn þar til hann sagði foreldrum sínum loks frá og málið var tilkynnt lögreglu.
