Danskur stór­leikari þakk­látur á Ís­landi

„Frídagur á Íslandi í gær. Ég er þakklátur fyrir að vera í þessu fallega landi og gera það sem ég elska með svo hæfileikaríku og vinnusömu fólki frá Íslandi og Danmörku. Eigið góða viku, allir saman,“ skrifar leikarinn á Instagram. Þar birtir hann myndir af landsbyggðinni.

Leikarinn hefur marga fjöruna sopið í Danmörku en líka í Hollywood. Hann hefur meðal annars farið með hlutverk í kvikmynd Guy Richie, The Covenant ásamt  bandaríska leikaranum Jake Gyllenhal auk þess sem hann fór með aukahlutverk í Game of Thrones á sínum tíma.

Dar Salim skaust upp á stjörnuhimininn í pólitísku spennuþáttunum Borgen sem slógu í gegn í Danmörku og víðar. Þá fer hann nú með aukahlutverk í The Gentlemen, Netflix þáttum Guy Richie og hefur einnig brugðið á leik í The Terminal List: Dark Wolf á Prime.