Sport

Dag­skráin í dag: Víkingur getur sett aðra höndina á Ís­lands­meistara­titilinn

Andri Broddason skrifar
Víkingur getur farið langleiðina með að tryggja sér Íslandsmeistaratitilinn í kvöld.
Víkingur getur farið langleiðina með að tryggja sér Íslandsmeistaratitilinn í kvöld. Anton/Vísir

Það er mikill fótboltadagur á dagskrá á sportrásum Sýnar í dag þar sem sýndir eru hörkuleikir í Þýskalandi, Englandi og á Íslandi.

Íslandsmeistararnir í Víking taka á móti Keflavík í fyrsta leik liðanna í efri hluta Bestu deildar karla. Með sigrinum getur Víkingur sett aðra höndina á Íslandsmeistaratitilinn eftir frábært tímabil í deildinni. Keflavík hefur lítið til að spila upp á en liðið getur með sigri farið upp í fjórða sæti deildarinnar.

Einn leikur fer fram í ensku úrvalsdeildinni í kvöld þar sem Leeds tekur á móti Newcastle. Bakvörðurinn Lewis Hall er nýbúinn að skrifa undir nýjan samning hjá svarthvíta liðinu og verður þetta fysti leikur hans síðan hann skrifaði undir. 

Bæði lið eru með fimm stig eftir þrjá leiki og því má gera ráð fyrir hnífjöfnum leik.

Glódís Perla Viggósdóttir og félagar í Bayern München fara í heimsókn til Leverkusen í þýsku úrvalsdeildinni í fótbolta. Lið Glódísar Perlu er með fullt hús stiga í deildinni og er stefnan sett á að halda því áfram.

Sýn sport

18:40 - Leeds tekur á móti Newcastle í ensku úrvalsdeildinni

Sýn sport Ísland

19.00 - Víkingur R. tekur á móti Keflavík í Bestu deild karla

Sýn sport Viaplay

15:50 - Leverkusen tekur á móti Bayern München í þýsku úrvalsdeild kvenna í fótbolta

Dagskráin í dag

Mest lesið


Fleiri fréttir

Sjá meira


×

Mest lesið