Savinho skoraði í sínum fyrsta leik

Tottenham 5-1 Charlton

Tottenham átti ekki í miklum vandræðum með Charlton á heimavelli og vann öruggan 5-1 sigur. Brasilíumaðurinn Savinho skoraði eitt og lagði upp eitt mark í sínum fyrsta leik með Tottenham en hann kom til liðsins á dögunum frá Manchester City. Tottenham var með yfirhöndina allan leikinn og tryggði sér þægilegt sæti í þriðju umferð.

Newcastle 3-2 West Brom

Newcastle þurfti að hafa töluvert fyrir sínum sigri gegn West Brom en vann að lokum 3-2.

Isaac Price kom gestunum yfir á 19. mínútu með glæsilegu aukaspyrnumarki. Newcastle jafnaði fyrir hlé þegar Chris Mepham varð fyrir því óláni að skora sjálfsmark.

Harvey Barnes tók síðan yfir leikinn eftir hlé og kom Newcastle yfir á 48. mínútu. Price jafnaði aftur úr vítaspyrnu á 78. mínútu en Barnes tryggði Newcastle sigurinn með sínu öðru marki á 82. mínútu, niðurstaðan 3-2 sigur.

Preston 0-4 Everton

Everton átti ekki í miklum vandræðum með Preston og vann sannfærandi 4-0 sigur.

Bradford City 0-0 Burnley – Bradford vann í vítaspyrnukeppni

Bradford City og Burnley skoruðu ekki mark í 90 mínútur og þurfti því að grípa til vítaspyrnukeppni. Sú vítaspyrnukeppni fór 4-2 fyrir Bradford sem er komið áfram í næstu umferð.

Bradford, sem leikur í ensku c-deildinni, stóð vel gegn Burnley sem er leikur í ensku b-deildinni og sló þá út.