Hátt hlut­fall heila­skaða hjá látnum leik­mönnum

Á árunum 2016-2021 létust alls 878 fyrrum leikmenn deildarinnar og 235 þeirra höfðu samþykkt að læknar mættu rannsaka heila þeirra að þeim látnum. Kom í ljós að 215 þeirra voru með einkenni heilasjúkdómsins CTE (e. chronic traumatic encephalopathy).

Niðurstöður rannsóknarinnar sýna að það er um fjórum sinnum líklegra að leikmenn NFL látist af heilaskaða en meðalmaður. Vandamálið er þó ekki eingöngu bundið við NFL deildina en ljóst þykir að fjölmargir leikmenn verða fyrir heilaskaða eftir endurtekin höfuðhögg í framhalds- og háskóla sem og í yngri flokkum.

NFL deildin hefur stigið skref í áttina til þess að minnka áhættuna fyrir leikmenn en árið 2011 var samið um að takmarka fjölda æfinga þar sem snertingar eru leyfðar.

Þá samdi deildin árið 2016 um að greiða alls einn milljarð í bætur til yfir 5.000 leikmanna sem höfðu staðið í fjöldamálsókn gegn deildinni.

Nánar má lesa um rannsóknina á vef BBC.