Ætlar að láta frysta egg sín og úti­lokar ekki forsetaframboð

Ocasio-Cortez, sem hefur barist ötullega fyrir sjálfsákvörðunarrétti kvenna, sagðist á samfélagsmiðlum vilja sýna fram á að konur gætu lifað lífinu til fulls. Þá sagði hún að tækniframfarir hefðu aukið fjárhagslega möguleika kvenna á eggfrystingu en viðurkenndi á sama tíma að hún væri í ákveðinni forréttindastöðu hvað það varðaði.

Þingkonan sagði síðar í viðtali við This Week á ABC News að hún útilokaði ekki forsetaframboð og gaf í skyn að hún myndi mögulega sækjast eftir öldungadeildarsæti Chuck Schumer. Hún sagði Demókrata hins vegar ættu að einbeita sér að þingkosningunum í nóvember í bili, í stað þess að huga að eigin pólitískum metnaði.

Ocasio-Cortez, sem er yfirlýstur sósíaldemókrati, hefur mildast nokkuð í afstöðu sinni til ýmissa mála á síðustu árum og segist ekki styðja ýmis baráttumál Democratic Socialists of America. Má þar meðal annars nefna niðurskurð á fjárframlögum til lögreglunnar.

Þingkonan er meðal þeirra Demókrata sem oftast eru nefndir á nafn í tengslum við forsetakosningarnar árið 2028 en meðal annarra má nefna Pete Buttigieg, fyrrverandi samgönguráðherra, Kamölu Harris, fyrrverandi varaforseta, og Gavin Newson, ríkisstjóra Kaliforníu.