Dag­skráin í dag: Silverstone-kappasturinn í öllu sínu veldi

Englendingarnir George Russell og Lewis Hamilton hafa unnið tvo síðustu kappaksturna í Formúlu 1 og eru báðir á heimavelli þegar hinn sögufrægi Silverstone-kappakstur fer fram.

Breski kappaksturinn er sá elsti á dagatali heimsmeistaramótsins í Formúlu 1, þar sem keppnin á Silverstone árið 1950 var fyrsta umferð fyrsta keppnistímabilsins árið 1950. Hann og ítalski kappaksturinn eru einu tvö heimsmeistaramótin í Formúlu 1 sem hafa verið haldin á hverju einasta keppnistímabili frá upphafi.

Það skiptir því miklu máli að fagna sigri á Silverstone-brautinni. Því hefur Lewis Hamilton náð níu sinnum og hann getur því orðið sá fyrsti til að vinna tíu sinnum á Silverstone.

George Russell, sem hefur unnið tvo kappakstra á tímabilinu, hefur aldrei náð að vinna kappakstur á heimavelli en síðasti Englendingurinn til að vinna á Silverstone sem ekki heitir Hamilton var David Coulthard árið 2000.

Útsendingin frá Silverstone hefst klukkan 13:30 á Sýn Sport Viaplay.

Það verður einnig sýnt frá BMW International Open-golfmótinu á DP World Tour á Sýn Sport 4 frá klukkan 11.00.